Margrét Guðjónsdóttir

Margrét Guðjónsdóttir býr á Hvolsvelli og á þrjú börn og fimm barnabörn. Margrét er Skólabókavörður við Héraðsbókasafn Rangæinga. Áhugamálin eru margvísleg t.d. andleg málefni, garðyrkja, göngur, samvera. Jafnframt "puðar" stundum eitthvað í höndunum.

Hvað var það fyrsta sem fékk þig til að brosa í dag?

Fegurð barnabarns sem gisti hjá mér og sólin sem skín.

Hvenær gerðir þú síðast góðverk?

Ég setti niður sumarblóm við dvalar-og hjúkrunarheimilið Kirkjuhvol ásamt öðrum úr Kvenfélaginu Einingu í Hvolhrepp.

Nefndu þrennt sem gerir þitt daglega líf betra.

Að horfa bjartsýn fram á veginn, gott samferðafólk og þakklæti.

Hvar líður þér best?

Með góðu fólki, í garðinum heima og á góðri göngu í náttúrunni

Hvað fær þig alltaf til að hlæja?

Skemmtileg atvik og góðir brandarar.

Þessi mynd er af Viktoríu Rós Pierresdóttur en hún er dótturdóttir mín.